ضحكنا وهزرنا خلاص نتكلم بقي شويه جد:

المقال ده من اجتهادي الشخصي من خلال ما شاهدته وعاصرته وقرأته وتعلمته ومارسته، ولأي شخص مطلق الحرية في قبوله او رفضه، وفي نهايته مثال عملي توضيحي لما سوف تكون عليه الحياة في عصر ميتاڤيرس ان قدر الله وجوده.

- عصر ميتاڤيرس ان أراد له الله ان يكون فسيكون أكبر نقله في التاريخ الحديث، وكل أفلام الخيال العلمي كانت تتنبأ بيه وعلى أساسه سيتغير شكل الحياة في كل تخصصاتها:

. السفر والانتقالات.

. السياحة والفندقة.

. الطب والجراحات والشهادات العلمية.

. الهندسة والإنشاءات.

. الزراعة والري والصيد.

. التعليم بما يشمله من أدوات وتقنيات.

. اقتصاديات الدول والتجارة الدولية.

. حدود العالم وشكل ومسمي التعاون الدولي والقاري.

- الموضوع مش هيكون ملوخية بالصلصة زي ما ناس كتير أصابها الذعر والخوف من بعد الفيديو الايف بتاع مارك واللي وضح فيه بعض التفاصيل البسيطة لهذا العالم الجديد، لكن ميتاڤيرس هيكون عالم ذو بوابات خاصة مُأَمَن دوليا لا يستطيع عبوره الا من يملك الفيزا الخاصة اليه (الاشتراك) وهذه الفيزا تستطيع بها العبور الي اقسام محدده وكل حسب سعر هذا القسم.

ميتاڤيرس الربحي مبني على ٣ محاور:

１- البائع: يتمثل في الدوله التي لديها مقومات التعاون مع ميتاڤيرس من تكنولوجيا وتعتبر هي صاحب المنتج او الخدمة، وهنا المنتج او الخدمة ستكون مقدمه من دوله بكل ما لديها من مقومات لإغراء الآخرين لزيارتها من سياحه – تسوق – تعليم – طب.... ويندرج تحت هذه الدولة مقوماتها ومواردها من فنادق ومحلات واثار ومستشفيات....

２- المشتري: كل من يرغب في زيارة هذه الدولة للاستفادة بأي من مواردها.

３- صاحب ميتاڤيرس وهو مارك واصحابه المستثمرين.

فإن اردت زيارة أي دولة في ميتاڤيرس لتستفيد بأي من مواردها فعليك دفع ثمن الفيزا الذي سوف تستفيد بجزء من ثمنها الدولة صاحبة الموارد ومشاريعها ثم يذهب باقي الربح الي مستثمري وأصحاب ميتاڤيرس.

لحجز كورس التسويق الالكترونى

امثله عشان الصورة توضح شويه:

الان في عالمنا الحالي: انا مروان عايز انزل في فندق في نيويورك، المطلوب فيزا سياحه لأمريكا ويا تتقبل يا تترفض ثم تذكرة طيران وشنط ثم مواصلات حتى الوصول للفندق في نيويورك.

. هل تستطيع وانت في الفندق يا مروان فتح باب أي غرفه وتدخل على سكانها؟ طبعا لا بس ممكن ناس تانيه تعملها، هل أستطيع فتح الحمام والدخول علي الناس؟ طبعا لا لكن بردو في ناس تانيه ممكن تعملها.

- في ميتاڤيرس: كل ما عليك يا مروان هو انك تلبس نظارة ميتافيرس الشيك وتجهز بعض الأدوات والكشوف الطبية الالكترونيه السريعه اللازمه لضمان دخولك الي هذا العالم بأمان ثم تحدد وجهتك اللي هي الدولة والفندق ثم دفع تذكرة الدخول الي الفندق من خلال فيزا ميتافيرس.

- طاب افرض فكرت تفتح باب غرفة حد تاني في الفندق: هتطلع من ميتاڤيرس وتتفضح ويتعملك بلوك من دخوله بعد كده ده غير قوانين تانيه هتتعمل وقتها وفضيحتك هتكون في كل مكان يا متحرش الميتاڤيرس .

نيجي بقي لبعض الاسئله اللولبيه:

هو الفندق ده حقيقي؟

ايوه فندق XYZ اللي في شارع ١٠ في نيويورك.

وهل سيستفيد الفندق من ذلك؟

طبعا عشان هيكون موفر لحضرتك غرفة من غرف الفندق وعليه فهياخد تكلفتها من ميتافيرس ويدفع جزء منها ضرائب لدولته.

هو انا هكون موجود بجسمي هناك في الفندق؟

لا مروان هيكون في بيتهم في شقته في غرفته في مصر لكن عالم ميتاڤيرس مبني على أساس إنك اما هتلبس النظاره يا مروان هتقدر تحس بكل تفاصيل العالم ده يعني لو نمت علي المرتبه بتاعة الفندق اللي في نيويورك هتحس انك نايم علي ريش نعام وانت نايم علي سرير بيتكم.

طيب ولو عايز اخرج اتفسح في نيويورك هقدر؟

هتقدر تروح وتيجي وتمشي في أي مكان متاح ليك دخوله من خلال فيزا ميتافيرس المحددة بزيارة هذه الأماكن (شوارع – نوادي – محلات...).

طاب الناس هتشوفني وانا ماشي هولوجرام كده؟

الناس هتشوفك هولوجرام وهتكلمك وتكلمهم في الشارع.

طاب لو عايز اشتري من محل في نيويورك؟

هتدخل المحل وتتفرج وتقيس وتشتري بالفيزا بتاعتك وتشحن اللي انت عايزه على عنوان بيتك في مصر.

طاب أقدر ادخل سينما هناك؟

تقدر وتدفع ثمن التذكره بتاعتها وجزء من ثمن التذكره يروح لصاحب السينما ويدفع ضرائب لبلده نيويورك وجزء يروح لمارك واصحابه المستثمرين.

- وحبايبنا اللي عايزين اعلاناتهم تظهر زي الرز في كل مكان هتختار وقتها ان اعلانك يظهر للناس على باب الفندق اللي نازلين فيه في ميتاڤيرس وتكلفته هتتحدد اعلي ولا اقل حسب مكانه ووقت الذروه وجزء من فلوس الإعلانات دي هتروح للفندق والدوله بتاعته والباقي هيروح لمارك واصحابه.

- ورحلتلك دي هتكون لمده محدده وبمجرد انتهائها تقلع النظاره وتنام في بيتكم وتكرر ما سبق تكرارا ومرارا.

- انا تناولت جزء اجتهادي بسيط جدا من أوجه التنظيم والنفع لما قد يكون في هذا العالم الجديد لتوضيح وتبصير الكثير ممن اصابهم الزعر والقلق منذ اعلان ميتافيرس ان قدر لنا الله ان نحيا فيه، وان كانت هذه قمة متاع الدنيا من اليسر وسهوله الوصول فما بالكم بالجنة التي تحوي مالا عين رأت ولا خطر علي قلب بشر جعلنا الله واياكم من سكناها.

#ميتاڤيرس

#metaverse 

See less